be cun rispli, poesias
Il titul sugestiv quinta da l’ümiltà invers il pled, da fragilità e da passagerità.
Las poesias da be cun rispli trattan da sentimaints e da mumaints, descrits cun differentas perspectivas; ellas quintan d’algords preschaints ed activs, d’algords resvagliats e transfuormats d’algords imaginats.
be cun rispli inspira vias dal cuntschaint al misterius. be cun rispli pudess eir significahr vulair restar liber per müdar e svanir. Las poesias invidan a ponderar a fuond davart il pled, davart ils pleds. Stampadas in culur grischa – bod sco schi füssan propcha scrittas be cun rispli - as manifesteschan ellas in maniera modesta ed accessibla, e güst in quella fuorma attiran e svaglian ellas il bsögn da gnir a savair daplü.
La poesia da Jachen Andry es tessüda cun premura; il ritem e la sonorità da seis ladin tilla dà üna taimpra tuottafat aigna.
160 paginas, lià
in vendita pro la chasa editura,
pro la Lia Rumantscha,
ed in librarias chi vendan cudeschs rumantschs
üna poesia da la racolta:
tessa
chi tessa
chi tessa
taler
i tessa
e tessa
chi tessa?
taler
el tessa
e’s tessa
el stess
es taler
i tessa
i’s tessa
tü tessast
taler