tinnitus tropic, poesias
Davart il cuntgnü
Flurina Badel banduna las vias, ils stizis e’ls truois da la poesia feminina in Engiadina. La vusch da quista poesia es impulsiva e directa ed ella sdarlossa in fuorma provochanta a divers livels.
Quista poesia nu’s legia sainza tuornar plüssas jadas a sia ragisch, dal cling e dal pled; pür üna lectüra repetida ans spordscha üna clav pel misteri cha la poesia rinserra.
L’autura ladina rapreschainta l’expressiun creativa da la lirica dad hoz e da noss dis: ils cunfins linguistics vegnan superats; ils muonds descrits sun internaziunals, la vusch poetica tocca pro üna duonna cun agen stil ed aignas caracteristicas.
Ein eigenwilliges lyrisches Ich trifft
auf eine widerspruchliche Welt, steht
an deren Abgrund und inmitten ihrer
Schönheit, erfährt Freiheit und die
Unerträglichkeit des Daseins.
Flurina Badel bricht klang- und bildstark mit
tradierten Sprachnormen der rätoromanischen
Lyrik, schreibt Gedichte der
Unruhe, die radikal, präzise und auf
ihre Essenz verdichtet sind.
125 Seiten, gebunden, Rumantsch, Vallader
quatter poesias da "tinnitus tropic" e ses poesias prelettas da la poetessa
Flurina Badel
tinnitus tropic
poesias
ün insaj dad ün pêr poesias
per la pagina d’internet da la chasa editura
****
plasticarias schmaridas
daspö il restostrada
meis man our da fanestra
scrima cul vent
uras sabladas in flettas
sül strich da catram
frenadas qua e
là cadavers
briclan davant ils ögls
guarda il mar
che vista infernala
lung bos-chom ornà pastel
****
l’esitar dal pesch
avant co ir a la riva
riast e
sbarchast il minim dubi
ün sigl cun bratscha stendüda
oura illa fuolla
noudast in mar da mans
****
i spüzza d’algordanzas
quista stanza ha pissers
puolvra as maglia tras
vernisch da mobiglia
dodast il rumagliar
i’ls chaschuots deserts
la düna viagia vers il nöglia
porta sün sa rain chameils
abandunats laschan pender
las gobas e boffan
cha la tulipana sül maisin
perda petals
croudan in invlidanza
****
alch sainza nom
cumainza
ajer schloppa
i’l schampagn
cula sur cristal
sguotta tras lenguas
schmaglia ourdsuot ils riers
sposta noziuns
not da glüna verdainta
puda
ningün nu bada
in boccas avertas
aintra alch