Balser Puorger
Ils Baltramieus

Davart il cuntgnü

Ils Baltramieus es il raquint da las trais famiglias Baltramieu, Salamun e Fratschöl chi sun trais famiglias da randulins ladins cun affars a Pisa, Livorno e Torino. I‘l center dal raquint es l‘istorgia dad Andri Baltramieu, il figl da Jon Baltramieu, il qual es cafetier a Livorno dürant il temp burrascus dal Risorgimento. Per motivs politics tuorna la famiglia Baltramieu / Salamun in Engiadina, ingio cha Andri, il protagonist da nos cudesch, crescha sü. Uschea gnina a savair a man dad Andri Baltramieu, da sia mamma, da seis bapsegner Andri Salamun ün chapitel da la cronica d‘Engiadina illa seguonda mità dal 19av tschientiner. Il fuond istoric in quist raquint es in üna prüma part il Risorgimento a Livorno, ed in üna seguonda la vita ill‘Engiadina da la seguonda mità dal 19av. tschientiner. L‘istorgia fictiva dal raquint es quella da las famiglias Baltramieu, Salamun e Fratschöl, cun il protagonist Andri Baltramieu cha no accumpagnain da sia naschentscha fina al di da sias nozzas.